Dziesiyńć lot – to wiela i mało. Kamraty z MeriDialu to szczyle, bezto padajom że mało. Jak pierwszy roz rapowali to żodyn niy myśloł że po tym przydzie tysionc hanysów na ich koncert łoboczyć co tyż te kamraty z Bielska godajom na scynie. Bielsko-Biala bo tam się to wszystko zaczyło i ponoć tam się skończy. Ale pomału bo się potracicie.
Dziesiyńć lot tymu pora synkow wstało rano i se pomyśleli że trza by było jakoś płyta nagrać. Potym te kalusy zgodali sie na placu. Byli to Młody, Karim, Cin, Mięki, Trebor, Zack, Staszek i Kerbi. Najprzód Karim nagroł płyta "Taki zwykły chłopak". Dzisiej żodyn niy pedzioł by ze to je tyn som karlus. Piyrwszo płyta MeriDialu wylazła w 2002 i nazwali ja "Wiesz, że warto". Noprzód na nij niy było Stafa i DJ'a WBK, bo łoni do sie przykludzili dopiyro w 2004. Ale prowda je tako ze Staf nagrywoł wtedy jako KravMaga.
Lata 2003-2006. Chopcy trocha lebrowali bez to nic niepochali. Dopiero w 2006 chopcy sie opamiyntali jak Mata im pedzioł żeby jakieś konski nagrali co by wciepnoł coś na dwie składanki Silesi. Teroz tyż trza coś pedzieć ło Stafie jr, bo synek dowo lang pozór czy wszystko idzie jak trza co by się kamraty niepotracili co cołki czos grajom koncerty.
Dzisiej trzymią sie ekipą piynciu chopa Staf, Mięki, Karim, Młody i WBK. Jest tyż tako ekipa „Rap Łap To” kaj je wiela artystów, co coś potrafiom robić. Karlusy robiom muzyka, piszom teksty, cykajom zdjyńcia i bazgrajom po murach. Zrobili se tyz łachy z Human Nation. Rok tymu MeriDialu narychtowali se plyta "Znowu to samo", kaj godajom co pochajom po nocach. Ciepli pora koncertów u nos i u goroli. Rok do zadku, dwudziestego września puścili nom płyta "Dekada", co by sie pochwolić, że już dziesięć lot grajom hip-hop. Teroz Karim nagrywo "Wiem, że warto", a chopy tyż już zaczyli coś tam majstrować przy nowyj płycie, co by se ktoś nie pomyśloł, że siedzom na dupach i ino chleją gorzoła. :)

Aneta Błażejczyk

www.raplapto.com
www.myspace.com/meridialu